(جمال الدین ): لارنس روڑ پر ٹرک بے قابو ہو کر بجلی کے کھمبے سے ٹکرا گیا، ٹرک کے ٹکرانے سے بجلی کے تار ٹوٹ گئے، علاقے کی بجلی منقطع ہوگئی۔
تفصیلات کے مطابق لارنس روڈ پر بجلی کے کھمبے سے ٹرک کے ٹکرانے کے باعث ٹرانسفارمر کا تیل لیک ہونے لگا اور بجلی بھی منقطع ہوگئی، سڑک پر تیل پھیلنے سے کئی موٹر سائیکل سوار پھسلتے رہے۔ ایک موٹر سائیکل سوار کی گرنے سے ٹانگ ٹوٹ گئی۔
شہریوں کا کہنا تھا کہ کل شام سات بجے واقع پیش آیا، لیسکو آفس میں اطلاع کے باوجود عملہ ٹرانسفر کی مرمت اور حفاطتی کارروائی کیلئے نہیں پہنچا۔
شہریوں نے اعلیٰ حکام سے معاملے کا نوٹس لینے کا مطالبہ کیا۔