اقصی سجاد: صوبائی وزیر اقلیتی امور رمیش سنگھ اروڑہ کی پاسٹر شوکت عاشق کے گھر آمد, صوبائی وزیر ،پاسٹر شوکت کی خصوصی دعوت پر چوہنگ پہنچے۔ پاسٹر شوکت عاشق نے مسیحی برادری کی بڑی تعداد کے ہمراہ صوبائی وزیر کا والہانہ استقبال کیا ۔

 صوبائی وزیر پر چھتوں سے پھولوں کی پتیاں نچھاورکی گئیں۔ مسیحی برادری کی جانب سے صوبائی وزیر کو ہار پہنائے گئے۔ مسیحی برادری کا مذہبی اقلیتوں کیلئے تاریخ سازبجٹ پر صوبائی وزیر کو خراج تحسین پیش کیا۔ مسیحی کمیونٹی کا کہنا تھاکہ اُمید ہے آپ کے دورمیں مذہبی اقلیتوں میں احساس محرومی کا خاتمہ یقینی ہوگا۔صوبائی وزیراقلیتی امور کا کہنا تھا کہ وزیراعلی نے مذہبی اقلیتوں کو اپنے سر کا تاج کہا ہے۔ پنجاب کی تاریخ میں مذہبی اقلیتوں کیلئے ریکارڈ ساز کام ہورہے ہیں۔ پہلی مرتبہ مذہبی اقلیتوں کا دن اعلیٰ سطح پر منانے جارہےہیں۔ 11 اگست کو پنجاب حکومت پورے شایان شان سے اقلیتوں کا دن منائیں گے۔