فاران یامین : ایس پی اقبال ٹاؤن محمد سلمان لیاقت کی ہدایات پر اقبال ٹاؤن ڈویژن میں سرچ آپریشن، تمام سرکل افسران نے سرچ آپریشن کی سربراہی کی۔
سرچ آپریشن میں اقبال ٹاؤن ڈویژن کے تمام ایس ایچ اوز نےبھی شرکت کی،اقبال ٹاؤن ڈویژن کے تمام اہم مقامات اور مارکیٹس کے گرد و نواح میں سرچ آپریشن کیا گیا، ترجمان پولیس کے مطابق دوران آپریشن گھروں، کرایہ داروں، ہوٹلز، دکانوں، گوداموں اور کالجز کو چیک کیا گیا۔سپروائزری افسران نے اپنے علاقوں میں سرچ آپریشنز کی نگرانی کی، ایس پی محمد سلمان لیاقت کہتے ہیں امن و امان کو برقرار رکھنے کیلئےاہم مقامات میں سرچ اینڈ کومبنگ آپریشن کیے جا رہے ہیں۔