سٹی42: پاکستان آرمی کی قیادت نے پاکستان کے لئے پیرس اولمپکس مین گولڈ میڈل جیتنے والے پاکتانی ہیرو ارشد ندیم کو مبارکباد دی ہے۔
آئی ایس پی آر نے اپنے خصوصی پریس ریلیز مین بتایا کہ پاکستان کی مسلح افواج، چیئرمین جوائنٹ چیفس آف اسٹاف کمیٹی، اور سروسز چیفس اس اہم موقع پر قوم کو مبارکباد پیش کرتے ہیں۔
ارشد ندیم نے انفرادی طور پر گولڈ میڈل حاصل کرنے والے پہلے پاکستانی کھلاڑی بن کر تاریخ میں اپنا نام روشن کیا۔ پیرس اولمپکس میں پاکستان کے لیے یہ شاندار کامیابی ارشد ندیم کی غیر متزلزل لگن، انتھک ثابت قدمی اور مثالی محنت کا منہ بولتا ثبوت ہے۔
آئی ایس پی آر کے پریس ریلیز میں کہا گیا کہ ارشد ندیم کی کامیابی پوری قوم کے لیے مشعل راہ ہے۔