ویب ڈیسک : وفاقی وزیرداخلہ محسن نقوی کی جانب سے پیرس اولمپکس کے جیولین تھرو میں نیا اولمپکس ریکارڈ بنا کر گولڈ میڈل جیتنے پر ارشدندیم کو مبارکباد دی گئی ۔
وفاقی وزیرداخلہ محسن نقوی کا کہنا ہے کہ 32 برس بعد ارشد ندیم نے پاکستان کے لئے اولمپکس میں گولڈ میڈل جیت کر تاریخ رقم کی۔ شاباش اولمپکس چیمپئن ارشد ندیم شاباش, پوری قوم کو آپ پر فخر ہے۔ ارشد ندیم نے سبز ہلالی پرچم کو بلند کرکے تاریخ ساز اور نا قابل فراموش کارنامہ سرانجام دیا۔ ارشد ندیم نے مہارت اور پروفیشنل اپروچ کے ساتھ گولڈ میڈل جیت کر پاکستان کا نام روشن کیا۔
محسن نقوی نے کہا کہ ارشد ندیم کی محنت اور قوم کی دعائیں رنگ لائیں اور مقابلے میں فتح حاصل کی۔ ارشد ندیم کی جیت پاکستان کی فتح ہےجسے ہمیشہ یاد رکھا جائے گا، ارشد ندیم قوم کا ہیرو ہےجس نے آج کے دن کو پاکستان کے لئے یادگار بنایا۔