(ویب ڈیسک) اداکارہ آمنہ شیخ نے اداکار محب مرزا سے علیحدگی کے بعد دوسری شادی کرلی، اپنے شوہر کے ہمراہ سفید جوڑے میں دلکش تصاویر بھی شیئر کردیں۔
گزشتہ روز اداکارہ آمنہ شیخ نے اپنے انسٹاگرام اکاؤنٹ پر انگوٹھی کی تصویر شیئر کی، جس سے یہ محسوس ہو رہا تھا کہ اداکارہ رشتہ ازدواج سے منسلک ہو گئی ہیں۔
View this post on Instagram
بعد ازاں آج آمنہ شیخ نے آج اپنے انسٹاگرام اکاؤنٹ پر اپنی دوسری شادی کی تصدیق کر دی اور چند تصاویر بھی شیئر کیں۔ اداکارہ کی جانب سے شیئر کی جانے والی تصاویر میں وہ سفید رنگ کے جوڑے میں اپنے شوہر اور بیٹی کے ساتھ موجود ہیں۔
View this post on Instagram
آمنہ شیخ کی دوسری شادی کی تصاویر سامنے آنے کے بعد شوبز انڈسٹری کی متعدد شخصیات کی جانب سے انہیں مبارکباد دینے کے ساتھ ساتھ آنے والی زندگی کے لیے نیک خواہشات کا اظہار بھی کیا جا رہا ہے۔
View this post on Instagram
واضح رہے کہ گزشتہ سال اکتوبر میں پاکستانی شوبز انڈسٹری کی معروف جوڑی آمنہ شیخ اور محب مرزا میں شادی کے 14 سال بعد علیحدگی ہو گئی تھی۔ دونوں ستارے 2005 میں رشتہ ازدواج میں بندھے تھے اور دونوں کی ایک 4 سال کی بیٹی بھی ہے۔