ویب ڈیسک : پی ایس ایل کے 10ویں ایڈیشن کیلئے انٹرنیشنل ستاروں کی آمد کا سلسلہ جاری ہے، مختلف غیر ملکی کھلاڑی پاکستان پہنچ کر اسکواڈ کو جوائن کرلیا ہے۔

 آسٹریلیا کے ڈیوڈ وارنر نے کراچی میں کنگز کے اسکواڈ کو جوائن کرلیا جبکہ بنگلادیش کے لٹن داس بھی کراچی پہنچ گئے۔ اس کےعلاوہ انگلینڈ کے ٹام کوہلر کیڈمور نے پشاور زلمی کو جوائن کرلیا۔

 کوئٹہ گلیڈی ایٹرز کے غیر ملکی پلیئرز نے اسکواڈ کو جوائن کرنا شروع کردیا۔ بدھ کی صبح شان ایبٹ، کائل جیمیسن، آکیل حسین اور فن ایلن پاکستان پہنچ گئے اور ہوٹل میں اسکواڈ کو جوائن کیا۔ رائیلی روسو پہلے ہی ٹیم کو جوائن کرچکے ہیں جبکہ کوسال میندس جمعرات کو پاکستان پہنچیں گے۔

دوسری جانب آسٹریلیا کے ڈیوڈ وارنر کراچی کنگز کی قیادت سنبھالنے کیلئے کراچی پہنچ گئے۔ بنگلادیش کے لٹن داس نے بھی کراچی کنگز کو جوائن کرلیا۔ ٹم سائفرٹ نے بھی کراچی کنگز کے اسکواڈ کو جوائن کرلیا۔ اس کے علاوہ انگلینڈ کے ٹام کوہلر کیڈمور بھی پاکستان پہنچ گئے، انہوں نے اسلام آباد میں پشاور زلمی کے اسکواڈ کو جوائن کرلیا۔

گزشتہ شب کراچی پہنچنے والے ڈیوڈ ولی، کرس جارڈن اور جوش لٹل نے ملتان سلطانز کو جوائن کرنے کے بعد ان کے ساتھ پہلے پریکٹس سیشن میں شرکت کی۔ شائے ہوپ اور مائیکل بریسویل جمعرات کو پاکستان پہنچیں گے۔