زاہد چوہدری : وزیر اعلی پنجاب مریم نواز سروسز ہسپتال پہنچ گئی
مریم نواز کا سروسز ہسپتال کے مختلف وارڈز کا دورہ کیا ، وزیر اعلی مریم نواز کا ایمرجنسی سروسز ہسپتال کا تفصیلی دورہ کیا ، مریم نواز نے مریضوں سے علاج معالجے کے بارے پوچھا ۔وزیراعلیٰ مریم نوازشریف نے ایمرجنسی وارڈ میں مریضوں کے علاج کا مشاہدہ کیا،ایمرجنسی وارڈ میں مریضوں اور تیمارداروں سے ادویات کی دستیابی کے بارے میں دریافت کیا،مریم نوازشریف نے ایمرجنسی میں زیر علاج مریضوں سے بات چیت کی،وزیراعلیٰ مریم نواز نے خواتین سے مصافحہ کیا اور حال چال دریافت کیا
وزیر اعلی نے سروسز ہسپتال میں علاج معالجے پر اظہار اطمینان کیا ، وزیر اعلیٰ کا کہنا تھا کہ جناح اور میو ہسپتال کے دوروں کے بعد ہسپتالوں کی حالت بہتر ہوئی ہے ۔سروسز ہسپتال کی کارکردگی سے خوش ہوں
جناح اور میو ہسپتال میں ایکشن لینے سے ہسپتالوں کے حالات میں بہت بہتری آئی۔ جناح ہسپتال میں ادویات ڈبوں میں بند پڑی تھی لیکن مریضوں کو نہیں مل رہی تھیں، فوری ایکشن کی وجہ سے مریضوں کو ریلیف ملا۔ سروسز ہسپتال سے خوش ہوکر جارہی ہوں، کسی نے نہیں کہا کہ ادویات باہر سے لانی پڑی، مریضوں کو انتظار بھی نہیں کرنا پڑتا۔ ہسپتالوں میں اناونسمنٹ ہورہی ہیں حکومت مفت میڈیسن دے رہی ہے، اگر آپ سے کوئی آپ سے پیسے لے تو آپ نے نہیں دینے۔ عوام کے لیے ہسپتالوں کو چیک کرنا وزیراعلیٰ کی ذمہ داری ہے۔وزیراعلیٰ کا م نہیں کرے گا تو نیچے والے لوگ کیسے کام کریں گے۔ فیلڈ میں جاکر حالات کا جائزہ لینا وزیراعلیٰ کا کام ہے، آفس میں کرسی پر نہیں بیٹھ سکتی۔وزیراعلی کا کام ٹانگ پر ٹانگ رکھ کر بیٹھے رہنا نہیں،ادویات فراہم کرنا حکومت کا کام ہے، مریضوں نے میڈیسن بازار سے نہیں لینی۔ ہسپتالوں میں کیبنٹ رکھوادیئے ہیں، مریضوں کو نظر آتا ہے کہ جو ادویات چاہیے وہ یہاں دستیاب ہیں۔ میرے کام پنجاب کے عوام کے مفاد میں بہترین فیصلے کرنا ہے، اس سے مجھے کوئی نہیں روک سکتا۔
