(ویب ڈیسک)معروف انڈین پنجابی فنکار گپی گریوال کی بطورڈائریکٹر،رائٹر،پروڈیوسر اورایکٹر بڑے بجٹ کی ایکشن پنجابی فلم ’’اکال‘‘کل پاکستان اوربھارت سمیت دنیاکے پندرہ سے زائد ممالک میں ریلیز ہوگی۔

 مہاراج رنجیت سنگھ کے حوالے سے اس فلم کے نمایاں فنکاروں میں گپی گریوال کے علاوہ نمرت کھیرا،اپندردیپ سنگھ،نکیتن دھیر،گرپریت سنگھ،مٹاوشیشت،پرنس کنول جیت سنگھ اورشنداگریوال شامل ہیں۔

  لاہور کے مقامی ہوٹل میں پاکستانی میڈیاسے ویڈیوکانفرنس کے ذریعے گفتگوکرتے ہوئے گپی گریوال اور گرپریت گھگی نے کہا کہ یہ فلم 9سال قبل2016میں لکھ لی تھی لیکن چونکہ اس کے لئے بہت بڑا بجٹ درکارتھا جو اس وقت ہمارے پاس نہیں تھااس لیے اس وقت نہیں بن سکی، اب یہ فلم مکمل کی ہے۔

گپی گریوال نے کہاکہ  یہ ایک تاریخی کردار پر مبنی فکشن فلم ہے جس پر بہت زیادہ محنت کی گئی ہے یہ چونکہ روٹین اور کامیڈی سے ہٹ کر ایک بڑی فلم ہے اس لئے ہمیں اس سے بہت زیادہ امیدیں وابستہ ہیں یہ فلم دیکھنے والوں کوضرور پسند آئے گی،اس فلم کودھرماپروڈکشنز اورہمبل موشن پکچرزکے بینرتلے ریلیزکیاجارہاہے۔