فاران یامین : چوکی انچارج گنجے سندھواں نے پولیس ٹیم کے ہمراہ بڑی کارروائی کی جس میں ڈکیتی اور چوری کے 45 مقدمات میں ریکارڈ یافتہ 02 رکنی نوید عرف نیدی ڈکیت گینگ کو گرفتار کر لیا گیا ۔
تفصیلات کے مطابق ایس پی کینٹ اویس شفیق کی ہدایت پر ڈکیت گینگ کیخلاف پولیس چوکی گنجے سندھواں نے کارروائی کی جس دوران ڈکیتی اور چوری کے 45 مقدمات میں ریکارڈ یافتہ 2 رکنی نوید عرف نیدی ڈکیت گینگ کو گرفتارکر لیاگیا،ملزمان میں سرغنہ نوید عرف نیدی اور افضل شامل ہیں ۔
ترجمان پولیس کے مطابق ملزمان سے 3 موٹر سائیکلز، زیورات، نقدی رقم، 02 پستول، میگزینز اور گولیاں برآمد ہوئی ہیں۔ پولیس کی جانب سے ملزمان کے خلاف مقدمہ درج کر کے تفتیش شروع کر دی گئی ہے۔