حسن علی: وفاقی وزیر داخلہ محسن نقوی کا نائب امیر جماعت اسلامی لیاقت بلوچ سے ٹیلیفونک رابط ہوا جس میں دونوں فریقین کے درمیان ہونے والے معاہدے بارے گفتگو ہوئی۔
مذاکرات معاہدے پر عملدرآمد بارے آگاہی دینے کیلئے وزیر داخلہ محسن نقوی اور وزیر اطلاعات عطا تارڑ پر مشتمل دو رکنی حکومتی وفد منصورہ آئے گا۔
ٹیلیفونک گفتگو کے دوران نائب امیر جماعت اسلامی لیاقت بلوچ نے کہا کہ وفاقی حکومت انٹرنیشنل اسلامک یونیورسٹی کے طلبہ کے مسائل حل کرے جس پر وزیر داخلہ محسن نقوی نے انٹرنیشنل اسلامک یونیورسٹی کے طلبہ کے مسائل حل کرنے کی یقین دہانی کرادی۔