(محمدساجد) قومی کرکٹ ٹیم نے ایشیاکپ 2022 کے سنسنی خیز مقابلے میں 1 وکٹ سے کامیابی حاصل کی، آخری اوور میں قومی ٹیم کے فاسٹ باؤلر نسیم شاہ کی ناقابل یقین اننگز کھیلتے ٹیم کو اہم میچ جتوایا، اس حوالے سے نسیم شاہ کی ایک ویڈیو کافی وائرل ہورہی ہے جس میں انہوں نے بتایا کہ کیا پلان کیا ہوا تھا۔
تفصیلات کےمطابق ایشیا کپ 2022 کے سپر فور کا سنسنی خیز میچ گزشتہ روز پاکستان اور افغانستان کے مابین کھیلا گیا، میچ میں متعدد دلچسپ واقعات دیکھنے کو ملے ، میچ میں کے آخر میں نسیم شاہ نے کھیلا کا پانسہ پلٹ دیا اور ناقابل یقین فتح سے ٹیم کو ہمکنار کیا، پاکستان کرکٹ بورڈ کی جانب سے ایک ویڈیو شیئر کی گئی جس میں ان کا کہناتھا کہ میرا خیال میں آپ آج میری بیٹنگ کے بارے میں بات کریں گے، خدا کا شکر ادا کرتے نسیم شاہ نے کہا کہ میرا یقین تھا کہ آصف بھائی ساتھ کھیلا رہا ہے اس کو سنگل لے دوں۔
میں نیٹ میں بیٹنگ کی بھی پریکٹس کرتا ہوں، میں نے جا کر حسنین نے بیٹ بدلا اور کہا میرا بیٹ اتنا اچھا نہیں ہے مجھے اپنا بیٹ دے دو۔نسیم نے کہا کہ مجھے پتہ تھا وہ یورکر ماریں گے اس لئے میں پہلے سے ہی اس کا سامنا کرنے کو تیار تھا، پختہ یقین تھا کہ میں یہ کرسکتا ہوں اور پھر کردکھایا، ویڈیو میں دیکھا جاسکتا ہے کہ نسیم شاہ محمد حسنین کو کہہ رہے ہیں یہ میرا ٹائیگر ہے۔
قومی ٹیم کے فاسٹ باؤلر محمد حسنین نے کہا کہ نسیم شاہ نے بیٹ تبدیل کیا تھا، نسیم شاہ نے خدا کا شکریہ ادا کرتے کہا کہ یہ میچ بہت اہم تھا اور اس میں کامیاب ہوئے جس پر فائنل کے لئے کولیفائی کیا۔