قدرتی آفات سے بچاؤ کے لئے حفاظتی اقدامات کو بہتر اور ریسکیو سروسز کو اپ گریڈ کیا جارہا ہے، مریم نوازشریف

سٹی 42: وزیر اعلیٰ مریم نوازشریف کا قدرتی آفات سے آگاہی کے قومی دن پر پیغام دیتے ہوئے کہا قدرتی آفات سے بچاؤ کے لئے حفاظتی اقدامات کو بہتر اور ریسکیو سروسز کو اپ گریڈ کیا جارہا ہے
وزیراعلیٰ پنجاب مریم نواز شریف نے قدرتی آفات سے آگاہی کے قومی دن پر اپنے پیغام میں کہا ہے کہ بہتر منصوبہ بندی اور آگاہی سے قدرتی آفات کے نقصانات کو کم کیا جا سکتا۔ قدرتی آفات سے نمٹنے کے لیے احتیاط، آگاہی اور پیش بندی مزید بہتر بنانے کی ضرورت ہے۔ قدرتی آفات کے تباہ کن اثرات کم کرنے کے لیے ہر فرد کو اپنا کردار ادا کرنا چاہیے۔انہوں نے کہا کہ قدرتی آفات کے خطرے کے پیش نظر ارلی وارننگ سسٹم کو مزید بہتر بنایا جا رہا ہے۔ حکومت پنجاب قدرتی آفات سے نمٹنے کے لیے تمام ممکنہ وسائل بروئے کار لا رہی ہے۔ قدرتی آفات سے بچاؤ کیلئے حفاظتی اقدامات کو بہتر اور ریسکیو سروسزکو اپ گریڈ کیا جا رہا ہے۔ وزیر اعلیٰ مریم نوازشریف نے کہا کہ ہر فرد کو قدرتی آفات کے دوران محفوظ رکھنا اور مشکلات کے وقت ریسکیو کو یقینی بنانا ہے۔ قدرتی آفات کے خطرات سے بچاؤ کی عوامی آگاہی ضروری امر ہے۔ زندگی کے تحفظ کے لیے بروقت حفاظتی تدابیر اپنانا ہم سب کی مشترکہ ذمہ داری ہے۔انہوں نے کہا کہ اللہ تعالیٰ سب کو ہر طرح کی آفات سے محفوظ رکھے۔