روہی نالے سے لاش برآمد 

(فہد علی)گجومتہ روہی نالے سے نامعلوم شخص کی بوسیدہ لاش برآمد ،لاش شناخت نہ ہونے پر پوسٹمارٹم کے لیے مردہ خانے منتقل کردی گئی ۔
پولیس کے مطابق انہیں اطلاع ملی کہ روہی نالے سے نامعلوم شخص کی لاش ملی ہے جس پر پولیس اور فرانزک ٹیموں نے موقع پر پہنچ کر شواہد اکٹھے کئے ۔ پولیس کا کہنا تھا کہ لاش تین سے چار روز پرانی معلوم ہوتی ہے ،شناخت نہ ہونے پر لاش کو مردہ خانے منتقل کردیا گیا ہے ۔موت کی وجوہات کا تعین پوسٹ مارٹم رپورٹ میں کیا جائے گا۔

  واضح رہے کہ چند روز قبل مالی پورہ میں بھی گھر کی چھت سے 2 روز پرانی لاش برآمد ہوئی تھی، فرانزک ٹیموں نے جائے وقوعہ سے شواہد اکٹھے کر لیے، جاں بحق شخص کی شناخت پچاس سالہ رضوان کے نام سے ہوئی ہے، رضوان اپنے بھائی کے ہمراہ گھر پر رہتا تھا، دونوں بھائیوں کے درمیان لڑائی جھگڑے کی وجہ سے بول چال بند تھی۔