(زین مدنی) لالی وڈ انڈسٹری کے نامور اداکار، ہدایتکاراور فلمسازجاوید شیخ آج اپنی66ویں سالگرہ منارہے ہیں۔
جاوید شیخ8 اکتوبر 1954کوپیدا ہوئے اور ان کا اصل نام شیخ جاوید اقبال ہے۔ جاوید شیخ نےپاکستان ٹیلی ویژن سے اپنے کیریئر کا آغاز کیا اور پہلے ڈرامہ سیریل”شمع“ کی کامیابی کے بعد پیچھے مڑ کر نہ دیکھا۔ ٹیلی ویژن انڈسٹری میں اپنی مہارت کا لوہا منوانے کے بعد جاوید شیخ لولی ووڈ کی طرف چل نکلے اور 1975میں ریلیز ہونے والی فلم ’دھماکا‘سے اپنے فلمی کیریئر کا آغاز کیا۔

جاوید شیخ نے کئی مشہور ڈراموں اور فلموں میں اداکاری کے جوہر دکھائے جبکہ بطور ہدایتکار ان کی پہلی فلم’مشکل‘تھی۔ جاوید شیخ اس وقت بھی پاکستانی شوبز انڈسٹری سے منسلک ہیں اورمختلف فلموں اور ڈراموں میں کردارنبھا رہے ہیں۔ آج وہ اپنی سالگرہ منا رہے ہیں اور انہیں سالگرہ کے ڈھیروں پیغامات مداحوں دوستوں عزیزوں کی جانب سے موصول ہورہے ہیں۔