سٹی 42: گجر پورہ، چائنہ سکیم میں فائرنگ سے ایک شخص قتل ہوگیا۔ ملزمان کے فرار ہونے کی فوٹیج بھی سامنے آگئی ۔
مقتول کی شناخت لالہ صدام کے نام سے ہوئی، لاش مردہ خانہ منتقل کردی گئی ۔ پولیس کے مطابق واقعہ فریقین کے مابین صلح کیلئے بلائی گئی پنچایت میں پیش آیا،جائے وقوعہ سے فرانزک ٹیموں کی مدد سے شواہد اکٹھے کر لئے، فائرنگ میں ملوث ملزمان موقع سے فرار ہوگئے ۔ جن کی تلاش جاری ہے،سٹی 42 نے واقعہ کے بعد مسلح ملزمان کی فرار ہونے کی فوٹیج حاصل کر لی۔ فوٹیج کے مطابق فائرنگ کے بعد درجن سے زائد موٹر سائیکلوں پر سوار ملزمان فرار ہوئے،پنچایت کے دوران ملزمان نے فائرنگ کر کے لالہ صدام نامی شخص کو قتل کیا،سی سی ٹی وی فوٹیج اور شواہد کی مدد سے ملزموں کی شناخت اور تلاش جاری ہے