سٹی 42 : وزیراطلاعات پنجاب عظمیٰ بخاری نے کہاہے کہ سموگ کی صورتحال یہی رہی تو مزید پابندیاں لگ سکتی ہیں،سموگ کے خاتمےکیلئےسب کوکردار ادا کرنا ہوگا ۔
عظمیٰ بخاری نے آج سٹی نیوز ہیڈ آفس کا دورہ کیا، انہوں نے سٹی نیوز نیٹ ورک کےمختلف سیکشنز کا دورہ کیا،عظمیٰ بخاری نے شہریوں کے مسائل پر حکومتی توجہ دلانے پر سٹی نیوز نیٹ ورک کو خراج تحسین پیش کیا۔
عظمیٰ بخاری نے اس موقع پر گفتگو کرتے ہوئے کہا کہ سموگ کی صورتحال یہی رہی تو مزید پابندیاں لگ سکتی ہیں،سموگ کے خاتمے کیلئے سب کو کردار ادا کرنا ہوگا۔ انہوں نے کہا کہ حکومت کسی کا کاروبار بند نہیں کرنا چاہتی،چنگ چی رکشوں اور باربی کیو والوں کاتعاون درکار ہے، تاجر برادری مہربانی کرکےاندازکاروبار پر نظر ثانی کرے۔