ویب ڈیسک: پاکستانی اداکارہ عائزہ خان اور اور دانش تیمور نے بیٹے ریان کی 7ویں سالگرہ کے موقع پر کروایا گیا اسپیشل فوٹوشوٹ مداحوں کے ساتھ شیئر کردیا۔
رواں سال ریان 7 سال کے ہوگئے ہیں اور اسی سبب ایک ہفتے سے دونوں والدین بیٹے کی یادگار تصاویر اور ویڈیوز سوشل میڈیا کی زینت بناتے نظر آرہے ہیں۔
عائزہ خان نے فوٹو ایڈ ویڈیو شیئرنگ ایپ انسٹاگرام پر ریان کی سالگرہ پر ایک اسپیشل فیملی فوٹوشوٹ کروایا ہے جس میں ان کی فیملی اور خاص طور پر بیٹا ریان کی شامل ہیں۔
اس فوٹوشوٹ میں پوری فیملی نے وائٹ تھیم فالو کرتے ہوئے سفید شرٹس پہنی ہیں لیکن برتھ ڈے بوائے نے سفید شرٹ پر سیاہ کوٹ بھی پہن رکھا ہے کو غالباً دانش تیمور کا ہے۔
عائزہ خان نے پوسٹ کے کیپشن میں لکھا کہ 'مجھے یقین نہیں آرہا کہ میرا ننھا ریان 7 سال کا ہوگیا ہے، ابھی کل ہی کی بات معلوم ہوتی ہے کہ میں نومولود ریان کو ہسپتال سے گھر لےکر آئی تھی، وقت سچ میں تیزی سے گزر رہا ہے'۔
انہوں نے مزید لکھا کہ 'میری دعا ہے کہ میرے اور دنیا کے تمام بچے محفوظ اور عقشن مستبقل پاسکیں، ہمیشہ اللہ کی حفاظت میں رہیں، میرے ریان کو سالگرہ مبارک'۔
یاد رہے کہ عائزہ خان اور دانش تیمور کو پاکستانی شوبز انڈسٹری کی سب سے حسین اور لَوِنگ جوڑی قرار دیا جاتا ہے اور دونوں کی ایک دوسرے کیلئے محبت و احترام بھی انکے ہر انٹرویو میں واضح طور پر نظر آتا ہے۔دانش تیمور اور عائزہ خان نے گہری دوستی اور محبت کے اظہار کے بعد 8 اگست 2014 کو دھوم دھام سے شادی کی جسکی تصاویر نے سوشل میڈیا پر خوب رونق لگائی۔محبت کی شادی کرنے والی اس جوڑی کی ایک بیٹی حورین اور بیٹا ریان ہے جن کے ساتھ اب دونوں محبت سے بھرپور تصاویر اور ویڈیوز جاری کرتے رہتے ہیں۔