ویب دیسک:   پاکستان شوبز انڈسٹری کی معروف اداکارہ صبا قمر سوشل میڈیا پر متحرک رہتی ہیں۔اداکارہ کی تصاویر اور ویڈیوز بھی صارفین کی توجہ کا مرکز بنی رہتی ہیں، صبا قمر کی سینئر اداکار نعمان اعجازکے ساتھ ایک اور نئی ویڈیو منظر عام پر آئی جس میں عکسبند ہونے والے نازیبا سین پر شدید  تنقید کی زد میں آگئی ہیں۔

سوشل میڈیا پر دونوں کی ایک بولڈ ویڈیو زیرِ گردش ہے جو ان کی ویب سیریز 'مسز اینڈ مسٹر شمیم' کی ہے۔یہ ویب سیریز 'زی فائیو' نے پروڈیوس کی جسکی کہانی ایک ایسے جوڑے کے گرد گھومتی نظر آئی جس کو ایڈز ہے۔

وائرل ہونے والی اس ویڈیو پر سوشل میڈیا صارفین کی جانب سے  دونوں کو تنقید کا نشانہ بنا جا رہا ہے۔ ایک صارف نے لکھا کہ 'یہ باوضو ہوتے ہیں اس کام کے لیے، حد ہے نعمان بھائی' جبکہ ایک اور صارف نے لکھا کہ ' حد ہوگئی بے حیائی کی، لگا کسی نیٹ فلکس کی سیریز کا سین ہے'۔

واضح رہے کہ نعمان اعجاز اور صبا قمر دونوں ہی کا شمار پاکستان کے ایسے ورسٹائل فنکاروں کی فہرست میں ہوتا ہے جنہوں نے ڈراموں میں اپنی زبردست اداکاری سے شہرت حاصل کی۔دونوں سپر اسٹارز نے ایک ساتھ بھی چند ڈرامے کیے ہیں جن میں 'الّو برائے فروخت نہیں' ، 'جو چلے تو جان سے گزر گئے' ، 'میں ستارہ' اور مسز اینڈ مسٹر شمیم' شامل ہیں۔

یاد رہے کہ نعمان اعجاز  ان دنوں وہ 'دنیاپور' اور 'بسمل' میں بہترین اداکاری کے جوہر دکھاتے نظر آرہے ہیں۔