ویب ڈیسک: سعوددی عرب کے فرماں روا شاہ سلمان بن عبدالعزیز نے سوڈان کے مصیبت زدہ عوام کی فلاح  و بہبود کے لئے دس کروڑ ڈالر امداد فراہم کرنےکی ہدایت کی ہے۔شاہ سلمان بن عبدالعزیز کی جانب سے کنگ سلمان ریلیف سنٹر  کو ہدایت کی گئی ہے کہ وہ فنڈ ریزنگ کے تحت سوڈانی عوام کی فلاح و بہبود کے لئے رقم جمع کرے تاکہ سوڈانی عوام ک یمشکلات کم کرنے میں مدد کی جا سکے۔اس ضمن میں ساھم پلیٹ فارم پر رقم جمع کرنے کا آغاز کر دیا گیا ہے۔کنگ سلمان ریلیف سنٹر کے سپروائزر ڈاکٹر عبداللہ بن عبدالعزیز الربیعہ نے بتایا کہ فراہم کردہ امداد مشکل وقت میں سوڈان کے عوام کے ساتھ کھڑا ہونے اور بحران سے نمٹنے میں ان کی مدد کرنے کے لئے ہے۔ انہوں نے مزید کہا کہ کنگ سلمان ریلیف سنٹرسوڈان میں بے گھر  ہونے والوں کو  انسانی وسائل کی امداد فراہم کرے گا اور انہیں ضروری طبی امداد کی فراہمی کا بھی بندوبست کیا جائے گا۔