(مانیٹرنگ ڈیسک) مراکشی نژاد کینیڈین رقاصہ و اداکارہ نورا فتحی کی نئی ٹرانسفارمیشن ویڈیو نے ماحول گرما دیا۔
مراکشی نژاد کینیڈین رقاصہ و اداکارہ نورا فتحی نے بالی ووڈ میں قدم رکھنے کے بعد انتہائی قلیل عرصے میں بے مثال شہرت پائی اور ان کے گیت ’دلبر دلبر‘ نے ویڈیو شیئرنگ پلیٹ فارم یوٹیوب پر ایک ارب ’ویوز‘ کا ریکارڈ قائم کر دیا، نورا فتحی متعدد بالی ووڈ فلموں میں آئٹم سانگ کرچکی ہیں، وہ اپنی بولڈ لک اور ڈانسنگ ویڈیوز کے باعث خبروں کی زینت بنی رہتی ہیں، اس بار انہوں نے ٹک ٹاک کے ٹرانسفارمیشن ٹرینڈ کو فالو کرتے ہوئے ایک ویڈیو جاری کی ہے، جس میں وہ میوزک کی بیٹ پر اچانک اپنا لباس بدل لیتی ہیں، انسٹا گرام پر اس ویڈیو کو لاکھوں مرتبہ دیکھا جاچکا ہے۔
View this post on Instagram
ورلڈ ڈانس ڈے پر بھی نورا فتحی نے ایک بولڈ ڈانس ویڈیو شیئر کی تھی، جس میں انہیں فلم فیئر ایوارڈ شو میں پرفارم کرتے دیکھا جاسکتا ہے، نورا فتحی نےکیپشن میں لکھا تھا کہ تمام حیرت انگیز سپر انسانوں کو ورلڈ ڈانس ڈے مبارک ہو جن کو میں ڈانسر کہتی ہوں۔
View this post on Instagram
کچھ روز قبل ماضی میں بالی ووڈ کو سُپر ہٹ فلمیں دینے والی بھارتی اداکارہ مادھوری ڈکشٹ نے بھی نورا فتحی کے ساتھ ایک ڈانس ویڈیو اپنے انسٹاگرام اکاﺅنٹ پر شیئر کی تھی جسے صارفین کی جانب سے بے حد پسند کیا جارہا ہے۔