ویب ڈیسک : حکومتِ پنجاب کی جانب سے بچوں کے لیے رمضان المبارک میں ہفتہ کے روز کی چھٹی کا فیصلہ کیا گیا تھا، تاہم معذور بچوں کے تعلیمی ادارے ہفتے کے روز کھلے رہنے پر ان کے والدین نے حکومت سے شکوہ کیا ہے کہ کیا سپیشل ایجوکیشن کے ادارے حکومت پنجاب کا حصہ نہیں ۔
سپیشل چلڈرن کے والدین کا کہنا ہےکہ سکول ایجوکیشن کے تمام ادارے رمضان المبارک میں ہفتہ کے روز بند کر دیئے گئے، کیا سپیشل ایجوکیشن کے ادارے حکومت پنجاب کا حصہ نہیں ۔ انہوں نے شکوہ کیا کہ عام بچوں کے سکول بند ،معذور بچوں کے تعلیمی ادارے ہفتے کو کھلے ہیں ۔
خصوصی طلباء کے والدین نے وزیر اعلیٰ مریم نواز سے نوٹس لینے کا مطالبہ کردیا، کہا کہ ماہ رمضان میں سپشل ایجوکیشن کے ادارے بھی ہفتے کو بند کئے جائیں ۔