ویب ڈیسک : آئی سی سی چیمپئنز ٹرافی سے قبل بھارتی بیٹر ویرات کوہلی انجری کا شکار ہوگئے۔
ویرات کوہلی فائنل سے قبل جمعہ کو انٹرنیشنل کرکٹ کونسل اکیڈمی میں نیٹ پریکٹس کے دوران معمولی زخمی ہوگئے۔ اس حوالے سے جاری رپورٹ کے مطابق کوہلی نیٹس میں فاسٹ بولنگ کا سامنا کررہے تھے اس دوران ایک تیز گیند ان کے گھٹنے پر جالگی، جس کے بعد انہوں نے فوری طور پر پریکٹس روک دی۔
رپورٹ میں بتایا گیا ہے کہ بھارتی ٹیم کے فزیو اسٹاف نے فوراً کوہلی کا معائنہ کیا، انہیں اسپرے لگایا اور متاثرہ جگہ پر بینڈیج باندھ دی، چوٹ لگنے کے باوجود ویرات کوہلی گراؤنڈ میں موجود رہے اور بقیہ ٹریننگ سیشن کو دیکھتے رہے تاہم خود پریکٹس میں حصہ نہیں لیا۔
بھارتی کوچنگ اسٹاف نے واضح کیا ہے کہ ویرات کوہلی کی چوٹ سنگین نہیں ہے اور وہ اتوار کو فائنل میچ کھیلنے کیلئے مکمل طور پر فٹ ہوں گے۔
آئی سی سی چیمپئنز ٹرافی کا فائنل اتوار کو بھارت اور نیوزی لینڈ کے درمیان دبئی میں کھیلا جائے گا۔