ویب ڈیسک : پنجاب میں نمونیا سے سنگین صورتحال برقرار ہے، جہاں اس بیماری سے مزید 4 بچے جان کی بازی ہار گئے۔
میڈیا رپورٹ کے مطابق لاہور میں گزشتہ 24 گھنٹوں کے دوران نمونیا سے ایک بچے کی ہلاکت رپورٹ ہوئی۔پنجاب میں گزشتہ 24 گھنٹوں کے دوران نمونیا کے 363 جبکہ لاہور میں ایک روز کے دوران 66 نئے کیسز رپورٹ ہوئے۔
واضح رہے کہ پنجاب میں رواں سال نمونیا سے 474 اموات اور لاہور میں 77 ہلاکتیں ہو چکی ہیں، جبکہ پنجاب میں اس سال 36 ہزار 640 کیسز اور لاہور میں 8 ہزار سے زائد کیسز رپورٹ ہو چکے ہیں۔