(مانیٹرنگ ڈیسک) لاہور ہائیکورٹ کے جسٹس شاہدکریم نے عمران خان کی گرفتاری اور کارروائیوں سے بچنےکے لیے درخواست پر آفس کا اعتراض ختم کردیا۔
جسٹس شاہدکریم نے ہائی کورٹ آفس کو عمران خان کی درخواست بینچ کے روبرو لگانے کی ہدایت کردی۔
خیال رہےکہ عمران خان نےگرفتاری اور کارروائیوں سے بچنے کے لیے لاہور ہائی کورٹ میں درخواست دائر کی تھی جس پر لاہور ہائی کورٹ آفس نے اعتراض لگایا تھا کہ درخواست کے ساتھ مصدقہ نقول نہیں اور درخواست میں متعلقہ لوگوں کو فریق نہیں بنایا گیا, درخواست میں وفاق، آئی جی پنجاب، آئی جی اسلام آباد اور کمشنر لاہور سمیت تمام صوبوں کے ہوم سیکرٹریز کو فریق بنایا گیا۔
درخواست میں استدعا کی گئی ہے کہ جب تک عدالت پیشی کے لیے مناسب سکیورٹی انتظامات نہ ہوں، گرفتاری سمیت کوئی کارروائی نہ کی جائے، جان کوخطرےکے پیش نظر ویڈیو لنک کے ذریعے عدالت میں حاضری لگائی جائے، انصاف کے تقاضوں کے پیش نظر جھوٹے اور سیاسی کیسوں سے محفوظ کیا جائے، تحفظ کے لیے فول پروف سکیورٹی انتظامات کیے جائیں۔