ویب ڈیسک: شوبز کو خیر آباد کہنے والے پاکستانی اداکار حمزہ علی عباسی نے گزشتہ برس بتادیا تھا کہ وہ خدا سے متعلق کتاب لکھنے میں مصروف عمل ہیں۔
سماجی رابطے کی ویب سائٹ ٹویٹر پر ایک ٹویٹ شیئر کرتے حمزہ علی عباسی نے کہا کہ الحمداللہ کتاب کا پہلا خاکی مسودہ مکمل ہوگیا ہے، ساری تعریفیں خدا کیلئے ہیں۔ حمزہ علی عباسی کے اس ٹویٹ کو صارفین کی جانب سے پسند کیا جارہا ہے اور مداح ان کیلئے نیک خواہشات کا اظہار بھی کررہے ہیں۔
tweet">1st rough draft of the book done Alhamdulillah, All Gratitude is for God only.
— Hamza Ali Abbasi (@iamhamzaabbasi) March 8, 2021
اس سے قبل انہوں نے یہ امید ظاہر کی ہے کہ ان کی کتاب جون 2021 تک مکمل ہوجائے گی۔ حمزہ علی عباسی نے یہ بھی بتایا کہ کتاب لکھنے کی وجہ سے وہ سوشل میڈیا پر تھوڑے سے غیر فعال ہوجائیں گے۔
خیال رہے کہ 2019 میں شوبز انڈسٹری سے عارضی کنارہ کشی اختیار کرنے والے حمزہ علی عباسی نے ایک سال بعد باضابطہ طور پر دوبارہ واپسی کا اعلان کیا تھا۔