ویب ڈیسک : امریکا کے صدر جو بائیڈن نے پاکستانی نژاد امریکی شہری خضر خان کو میڈل آف فریڈم سے نواز دیا۔
رپورٹس کے مطابق وائٹ ہاؤس میں منعقدہ تقریب میں خضر خان کو میڈل آف فریڈم عطا کیا گیا، حضر خان کو امریکی صدر جو بائیدن نے خود میڈل پہنایا ۔ خضر خان کا کہنا تھا کہ یہ ان کے لئے بہت اعزاز کی بات ہے کہ ملک کے صدر نےان کو اعلیٰ ترین میڈل سے نوازا ۔
خضر خان نے 2016 کے امریکی انتخابات میں سابق صدر ڈونلڈ ٹرمپ پر بھرپور تنقید کی تھی۔واضح رہے کہ خضر خان کے بیٹے ہمایوں نے عراق جنگ میں اپنی جان دے کر دیگر فوجیوں کو بچایا تھا۔