ویب ڈیسک: ستارے مہربان ہوں تو کیا نہیں ہوسکتا۔ اس کا ثبوت دبئی میں اس وقت ملا جب ایک ایشیائی نژاد ٹیکسی ڈرائیور نے 20 ملین درہم جو پچاسی کروڑ پاکستانی روپے بنتے ہیں کی لاٹری جیت لی ۔
خلیج ٹائمز کی رپورٹ کے مطابق ڈرائیور کا کہنا تھا کہ وہ گذشتہ تین سالوں سے انعام جیتنے کی امید میں ریفل ٹکٹ خرید رہا تھا اور بالاخر قسمت کی دیوی اس پر مہربان ہوگئی ہے۔ 37سالہ ڈرائیور کا کہنا تھا کہ اس نے کبھی پہلے انعام جیتنے کی توقع نہیں کی تھی تاہم اس کا خیال تھا کہ وہ دوسرا یا تیسرا انعام حاصل کرے گا۔ اس نے کہا کہ جب انعام کا اعلان ہوا تو اس کے 8 سالہ بیٹے نے اسے بتایا۔ڈرائیور کی بیوی ہوٹل میں کام کرتی ہے۔۔ ڈرائیور نے یہ ٹکٹ بھی دیگر 9 حصے داروں کے سو درہم فی کس ڈال کر خریدی تھی اور اب یہ انعام ان دس افراد میں بانٹا جائے گا