توقیراکرم: پنجاب انسٹی ٹیوٹ آف کارڈیالوجی مسائل کی آماجگاہ بن گیا۔ پی آئی سی ہسپتال میں شدیدرش، مریض قطاریں بناکر انتظارکرنے لگے۔ شہریوں نے حکومت سے مطالبہ کیا کہ صحت کو اولین تر جیح دیں۔
تفصیلات کے مطابق پنجاب انسٹی ٹیوٹ آف کارڈیالوجی مریضوں کیلئے رحمت کی بجائےزحمت بن گیا۔ پی آئی سی میں مریضوں کاشدیدرش ہونے سے لوگ قطاروں میں کھڑے ہونے پر مجبور ہوجاتے ہیں۔ مطلوبہ تعدادمیں بیڈزدستیاب نہ ہونے سے مریض فرش اوروہیل چیئرزپرہی علاج کے انتظارمیں بیٹھتے ہیں۔
دل کے مریض پی آئی سی میں آکرمزیدپریشان ہوجاتے ہیں۔ لیب میں رپورٹس لینے کیلئے بھی انہیں گھنٹوں انتظارکی سولی پرلٹکناپڑتاہے۔ شہریوں نے پنجاب انسٹیٹیوٹ آف کارڈیالوجی میں مسائل کی وجہ سے حکومت پرکڑی تنقید کی۔ انہوں نے حکومت سے مطالبہ کیاکہ دیگرمنصوبوں کی بجائے صحت کواولین ترجیح دیتے ہوئے ہسپتالوں کی حالت بہترکی جائے۔