ڈیفنس پرائیویٹ بینک میں صندوق سے سکیورٹی گارڈ کی لاش برآمد

عیشہ خان: مسلم کمرشل بینک ڈیفنس برانچ میں ڈکیتی مزاحمت کے دوران بینک کاسکیورٹی گارڈقتل، بینک کی دوسری منزل پرپڑے ٹرنک سے لاش برآمد، پولیس نے تحقیقات شروع کردیں۔

 تفصیلات کے مطابق ڈیفنس اے میں واقع ایم سی بی بینک میں نقب زنی کی واردات ہوئی۔ دیوار پھاڑ کر ڈاکو بینک میں داخل ہوئے اور لاکر توڑکر لوٹ مار کی، دوران مزاحمت ڈاکوؤں نےگارڈ ساجد کو قتل کر دیا۔ ساجد صبح گھر نہیں گیا تواہل خانہ تلاش کرنے کیلئے بینک آ پہنچے، بینک کی عمارت کواندرسے تالے لگے ہوئے تھے۔ بینک انتظامیہ نے تالے توڑے تو ساجد کی تشدد زدہ لاش ٹرنک سے برآمد ہوئی۔

اہل خانہ کا کہنا ہے کہ ساجد گزشتہ 26 سالوں سے  بینک میں سکیورٹی  گارڈ کے فرائض سرانجام   دے رہا تھا۔ پولیس نے جائے وقوعہ سے فنگر پرنٹس اوردیگر شواہد اکھٹے کر لیے ہیں۔ پولیس کا کہنا ہے کہ جائے وقوع پر مزاحمت کے نشانات ہیں اور لاکرلوٹنے کی بھی کوشش کی گئی ہے۔ ساجد کی لاش کو پوسٹمارٹم کیلئے مردہ خانے منتقل  کردیاگیا، تاہم رپورٹ اور سی سی ٹی وی فوٹیج  کے بعد موت کی حتمی وجہ سامنے آئے گی۔