ویب ڈیسک : پنجاب میں فری سولر پینل اسکیم شروع کر دی گئی ہے ۔
مفت سولر اسکیم کے تحت 200 یونٹ تک 1100 واٹ کا سولر پینل فراہم کیا جائے گا ۔
صوبائی وزیر اطلاعات عظمیٰ بخاری نے اپنے بیان میں کہا تھا کہ 100 یونٹ ماہانہ صرف کرنے والے صارفین کو 550 واٹ کا سولر سسٹم ملے گا۔
پورٹل میں اپلائی کرنے کیلئے بجلی بل کا ریفرنس نمبر دینا ہوگا۔ کرایہ دار، مالک مکان سے این او سی حاصل کرے گا جبکہ سولر پینلز مالک مکان کے نام ہی جاری ہوں گے۔ فری سولر پینل اسکیم کیلئے کمپیوٹرائزڈ قرعہ اندازی کی جائے گی اور سال بھر ایک لاکھ سولر سسٹم تقسیم ہوں گے۔
شہریوں کی جانب سے اسکیم کے آغاز کو خوش آئند قرار دیا گیا ہے۔