وقاص احمد: ٹریفک وارڈنز کا شہری پر بہیمانہ تشددکی ویڈیو سامنے آ گئی۔ سی ٹی او نے ڈیوٹی پر موجود انسپکٹر سمیت 3 وارڈنز کو معطل کر دیا
سرکلر روڈ پر ٹریفک وارڈنزنے گاڑی ڈرائیور پر تشدد کیا۔ ویڈیو میں بھی نظر آیا کہ کے وارڈنز نے ارباز نامی ڈرائیور کو روکا اور چالان کیا۔شہری نے چالان کی وجہ پوچھی تو وارڈن نے تشدد کرناشروع کر دیا ۔وارڈن شہری کو تشدد کرتے تھانے لے جاتے ہیں ۔
ویڈیو سامنے آنے پر سی ٹی اونے تشدد کرنے والے ٹریفک انسپکٹر اور دیگر اہلکاروں کو معطل کردیا ۔سی ٹی او لاہور عمارہ اطہرنے ایس پی سٹی منیر ہاشمی کو انکوائری کا حکم دے دیا ہے۔ سی ٹی او کا کہنا ہے ٹریفک وارڈنز کی ارباز نامی شہری سے چالان کرنے پر بحث و تکرار ہوئی تھی، شہریوں کی عزت نفس کو کسی صورت مجروح ہونے نہیں دیا جائےگا۔