پی ایچ اے کا یوم آزادی شایان شان طریقے سے منانے کا فیصلہ

دْرِنایاب : پی ایچ اے کا یوم آزادی شایان شان طریقے سے منانے کا فیصلہ، آتش بازی، الومینیشن اور مقابلہ مصوری منعقد کروائے جائیں گے ۔
 ڈی جی پی ایچ اے محمد طاہر وٹو کی زیر صدارت یوم آزادی کی تیاریوں بارے اجلاس ہوا ، جس میں یوم آزادی کی تقریبات کے حوالے سے سفارشات پیش کی گئیں  ۔یوم آزادی کی مناسبت سے ریس کورس باغ میں پرچم کشائی کی تقریب ہو گی۔ 13 اور 14 اگست کی درمیانی شب مینار پاکستان سبز اور سفید روشنیوں سے جگمگائے گا۔ پی ایچ اے 13 اور 14 اگست کو اہالیان لاہور میں مفت پودے بھی تقسیم کرے گا۔ڈی جی پی ایچ اے نے کہا تمام ونگز کے افسران یوم آزادی کی تیاریوں میں اپنی اپنی ذمہ داری سر انجام دیں گے۔ قومی پرچم فضاء میں بلند کرتے ہوئے قومی محسنوں کو خراج تحسین پیش کریں گے ۔