ڈی آئی جی آپریشنزکا رات گئے مختلف شاہراہوں کا دورہ ، ورکنگ کا جائزہ

اسرار خان : ڈی آئی جی آپریشنز محمد فیصل کامران نے رات گئے مختلف شاہراہوں کا دورہ کیا , پولیس ناکوں پر اہلکاروں کو بھی چیک کیا ۔
 ڈی آئی جی آپریشنز محمد فیصل کامران نے مال روڈ اور لکشمی چوک کا اچانک دورہ کیا ۔ ڈی آئی جی آپریشنز نے گشت پر مامور ڈولفن ٹیموں اور مختلف پولیس ناکوں پر موجود افسران اور اہلکاروں کو بھی چیک کیا ۔ محمد فیصل کامران نے ڈیوٹی پر موجود افسران اور اہلکاروں کو الرٹ رہنے، مشکوک گاڑیوں، موٹر سائیکلوں اور مشتبہ افراد کو چیک کرنے کا حکم دیا ۔ محمد فیصل کامران نے دوران چیکنگ شہریوں کے ساتھ خوش اخلاقی سے پیش آنے کی بھی ہدایت کی ۔