ویب ڈیسک : پاکستانی وزیراعظم نےمختلف شعبوں میں سرمایہ کاری کرنے پر متحدہ عرب امارات کے صدر شیخ محمد بن زید النہیان کا شکریہ ادا کیا ہے۔
وزیر اعظم نے اپنے ٹوئٹ میں کہا کہ متحدہ عرب امارات پاکستان کے مختلف شعبوں میں سرمایہ کاری کرنے جا رہا ہے جس کے لیے شیخ محمد بن زید النہیان کے مشکور ہیں، دونوں برادر ملک مختلف شعبوں میں تعلقات کو مزید مستحکم بنانے کے خواہاں ہیں۔
وزیر اعظم شہباز شریف اور امیر قطر تمیم بن حمد آل ثانی میں ٹیلی فونک رابطہ ہوا۔ دونوں رہنماؤں نے باہمی دلچسپی کے امور پر تبادلہ خیال کیا۔یاد رہے کہ قطر اور پاکستان کے درمیان قریبی دوستانہ تعلقات ہیں۔ قطر میں دو لاکھ پاکستانی مقیم ہیں جو دونوں ممالک کی ترقی میں کردار ادا کر رہے ہیں۔