(عابد چودھری) شمالی چھاؤنی صدر بازار میں بوسیدہ مکان کی چھت گرنے سے 2 بہنیں ملبے تلے دب گئیں۔
شمالی چھاؤنی کے علاقے صدر بازار میں بوسیدہ مکان کی پہلی منزل کی چھت گر گئی، چھت گرنے کے باعث کمرے میں موجود دو بہنیں اقرا اور عائشہ ملبے تلے دب کر زخمی ہوگئیں، حادثہ کی اطلاع ملنے پر ریسکیو ٹیمیں موقع پر پہنچ گئیں اور ایک گھنٹے کی مسلسل کوششوں کے بعد عائشہ اور اقرا کو ملبے سے نکال کر سروسز ہسپتال منتقل کردیا۔
ریسکیو حکام کے مطابق خستہ حالی کے باعث مکان کی چھت گری جبکہ پولیس نے متعلقہ ادارے کے ہمراہ ضروری کارروائی کے بعد مکان کو سیل کر دیا۔