ویب ڈیسک :  امریکی وزیر خزانہ سکاٹ بیسنٹ نے  ٹیرف کے نام سے امریکہ کی غنڈہ گردی کے جواب میں چین کے عین ویسے ہی تھپڑ کو چین کی غلطی قرار دے دیا۔ سکاٹ بینٹ نے کہا ہے کہ چین کی طرف سے محصولات بڑھانا بڑی غلطی ہے۔ 

امریکی میڈیا سے گفتگو میں وزیر خزانہ نے کہا کہ چین جو ہمیں برآمد کرتا ہے امریکا اس کا پانچواں حصہ چین کو برآمد کرتا ہے، محصولات میں اضافہ کرنا چین کیلئے ہی نقصان کا باعث ہے۔ امریکی وزیر خزانہ نے کہا کہ مالیاتی منڈیوں میں مندی کی وجہ سے تجارتی بات چیت شروع نہیں کی، امرییکہ نے دوسرے ممالک سےتجارتی بات چیت شروع کی ہے۔

چین امریکی درآمدات پر 10 اپریل سے 34 فیصد جوابی ٹیرف عائد کر رہا ہے۔  پہلے امریکہ نے چین پر  34 فیصد ٹیرف لگایا تھا۔ اب  صدر ٹرمپ نے چین کے جوابی محصولات واپس نہ لینے کی صورت میں مزید 50 فیصد محصولات عائد کرنے  کی دھمکی دی ہے۔  چین نے اضافی محصولات کی دھمکی کو امرییکہ کی اقتصادی غنڈہ گری قرار دیا ہے۔