وقاص احمد : ڈولفن سکواڈ کا پتنگ بازی، ون ویلنگ،ہوائی فائرنگ کیخلاف ایکشن لیتے ہوئے شہر کے مختلف علاقوں سے مجموعی طور پر 33 ملزمان گرفتار کرلیے ۔ 

ترجمان ڈولفن کے مطابق ڈیفنس، مال روڈ،جیل روڈ،بند روڈ، فیروزپور روڈ،دیگر علاقوں سے 29 ون ویلرز گرفتار ہوئے، جبکہ  پتنگ بازی،ہوائی فائرنگ میں ملوث 04 ملزمان کو گرفتار کیا گیا۔ ملزمان سے پتنگیں، پستول گولیاں و میگزینز برآمد ہوئیں ۔ 

ایس پی ڈولفن شاہ میر خالد کا کہنا ہے کہ پتنگ بازی،ون ویلنگ،ہوائی فائرنگ کے خلاف بلا امتیاز کارروائیاں جاری رہیں گی۔ ون ویلنگ،پتنگ بازی،ہوائی فائرنگ جان لیوا کھیل ہے،خونی کھیل نے کئی گھر اجاڑ دئیے۔