ویب ڈیسک: پاکستان شوبز انڈسٹری کے معروف اداکار عمران عباس نے حضرت علی کے روضۂ مبارک پر حاضری دی ہے۔
عمران عباس نے فوٹو اینڈ ویڈیو شیئرنگ ایپ انسٹاگرام پر عراق سے اپنی ایک ویڈیو شیئر کی ہے۔اُنہیں اس ویڈیو میں عراق میں موجود مقدس مقامات کی زیارت کرتے ہوئے دیکھا جاسکتا ہے۔
عمران عباس نے اپنی پوسٹ کے کیپشن میں حضرت علی کرم اللّٰہ وجہہ کے روضۂ مبارک اور مقدس مقامات کی زیارت کے لیے مدعو کرنے اور شاندار میزبانی کے لیے عراقی حکّام کا تہہ دل سے شکریہ بھی ادا کیا ہے۔ سوشل میڈیا صارفین کی جانب سے اداکار کی اس پوسٹ کو بہت پسند کیا جا رہا ہے اور ان سے دعاؤں کی التماس بھی کی جا رہی ہے۔