(جنید ریاض) میٹرک اور انٹر کے لاکھوں طلبا کیلئے خوشخبری،سات مضامین میں فیل طلبا کو سپلمنٹری امتحان دینے کی اجازت مل گئی۔

میٹرک اور انٹر کے فیل لاکھوں طلبا کیلئے اچھی خبر سامنے آئی ہے، سات مضامین میں فیل طلبا کو سپلمنٹری امتحان دینے کی اجازت دیدی گئی ہے،اس سے قبل تین مضامین میں پاس ہونیوالے طلبا کو فیل تصور کیا جاتا تھا،اب طلبا چار، چار مضامین کرکے بھی امتحان دے سکیں گے۔

 ذرائع کے مطابق طلبا چار مضامین پہلے سال اور چار مضامین کا دوسرے سال داخلہ بھیج کر بھی امتحان پاس کر سکیں گے،امتحان پاس کرنے کیلئے طلبا کے پاس 4 مواقع ہونگے، میٹرک اور انٹر کا امتحان طلبا کو دو سال کے عرصہ میں پاس کرنا لازمی ہوگا۔

ماہر ین تعلیم کا کہنا ہے کہ طلبا کیلئے بورڈ امتحانات میں آسانیاں پیدا کرنے کا فیصلہ خوش آئند ہے، آسانیاں پیدا ہونے سے کمزور بچے بھی امتحان پاس کرسکیں گے۔