کم سن بچے اغواکاروں کےنشانے پر

عرفان ملک:لاہور میں کم سن بچے بچیاں اغوا ہونے کے واقعات بڑھ گئے ۔ چار دنوں میں کم سن بچے بچیوں کے اغواء کے 12 مقدمات درج ہوئے ۔
 پولیس ریکارڈ کے مطابق تین اکتوبر کو لاہور سے ایک بچی، دو بچوں کو اغواء کیا گیا ۔ بچی موقع سے بازیاب ہوئی، ملزم گرفتار کرلیا گیا جبکہ بچوں کی تلاش جاری ہے ۔ تین اکتوبر کو بچوں کے اغواء کی وارداتیں ڈیفنس ، ستوکتلہ ، ٹاؤن شپ میں ہوئیں ۔ چار اکتوبر کو کوٹ لکھپت سے تیرہ سالہ بچہ ، یکی گیٹ سےتیرہ سالہ بچی اغواء ہوگئی ۔دونوں واقعات کے مقامات نامعلوم افراد کے خلاف درج ہوئے ۔ پانچ اکتوبر کو ایک بچی ، دو بچوں کو نامعلوم افراد نے اغواء کرلیا ۔ پولیس حکام کے مطابق شاہدرہ اور شفیق آباد سے دو بچے اغواء ہوئے جبکہ اسی روز لیاقت آباد سے بچی کو اغواء کیا گیا ۔چھ اکتوبر کو بچوں کے اغواء کی 4 وارداتیں ہوئیں۔۔ تین وارداتوں کے مقدمات نامعلوم افراد کے خلاف درج کرلیے گئے ۔ مناواں سے پانچ سالہ بچی کو نامعلوم شخص نے اغواء کیا۔ پولیس نے تمام وارداتوں میں ملوث ملزمان اور مغوی بچوں کی تلاش شروع کر دی ہے۔