(سٹی 42) ایف آئی اے سائبر کرائم نے پاکستان تحریک انصاف کے سینئر رہنما اور سینیٹرسیف اللہ نیازی کو گرفتار کرلیا۔
ذرائع کے مطابق سیف اللہ نیازی کو ایف آئی اے سائبر کرائم کی جانب سے گرفتار کیا گیا، سیف اللہ نیازی پر " نامنظور" ویب سائٹ چلانے کا الزام ہے، " نامنظور' ویب سائٹ کے ذریعے غیر قانونی فنڈ ریزنگ کے لئے استعمال کی جاتی تھی۔
واضح رہےکہ ایف آئی اے سائبر کرائم اس سے قبل سینیٹر سیف اللہ نیازی کے گھر پر چھاپہ بھی مارچکی ہے، سائبر کرائم کی جانب سے سیف اللہ نیازی کا لیپ ٹاپ اور ایک موبائل فون بھی قبضہ میں لیا گیا تھا۔
پاکستان تحریک انصاف کے چیئرمین عمران خان نے سماجی رابطے کی ویب سائٹ ٹوئٹر پر اپنے ٹویٹ میں سینیٹرسیف اللہ نیازی کے گھر پر چھاپے کی سختی سے مذمت کی ہے۔
عمران خان نے کہا کہ ایک جانب امپورٹڈ حکومت کہتی ہے کہ سیلاب میں سیاست نہ کرو اور دوسری جانب ہمارے خلاف جھوٹے مقدمے بنارہے ہیں،آج سینیٹر سیف اللہ نیازی کے گھر چھاپہ مارا گیا،گھر سے ان کا موبائل اورکمپیوٹر اٹھا کر لے گئے ۔