ایئرپورٹ (سٹی42 نیوز) پاکستان شوبز انڈسٹری کی ہر دلعزیز اداکارہ ماورا حسین نے اپنی سب سے اسپیشل تصویر سوشل میڈیا پر مداحوں کے ساتھ شیئر کر دی ہے۔
پاکستانی اداکارہ ماورا حسین کا شمار ان چند اداکاراؤں میں ہوتا ہے جنہوں نے انتہائی کم وقت میں اپنی محنت اور ٹیلنٹ کی بنا پر اپنی اداکاری کا لوہا منوا یا ہے اور پاکستان میں بہت سے ڈراموں میں کامیابی کے بعدبالی ووڈ کی فلم میں مرکزی کردار ادا کر کے اپنی اداکاری کے جوہر دکھا ئے ہیں۔ ماورا حسین سوشل میڈیا پر بھی کافی متحرک رہتی ہیں ،اکثر اپنی تصاویر اور ویڈیو شیئر کرتی رہتی ہیں۔
حال ہی میں ماورا حسین نے اپنی انسٹا اسٹوری پر ایک فین پیج کی جانب سے شیئر کی گئی پوسٹ ری شیئر کی ہے جس میں اداکارہ کی وطن واپسی پر ایئر پورٹ پر بنائی گئی تصاویر شیئر کی گئی ہیں۔
اداکارہ نے اپنی انسٹا اسٹوری میں بتایا کہ یہ تصویر ان کے لیے بہت اسپیشل ہے کیونکہ وہ پورے 10 مہینے اپنے ملک سے دور رہنے کے بعد پاکستان واپس آئی تھیں اور فلائٹ میں روئی بھی تھیں۔