ناجائز اسلحہ کی ترسیل و نمائش پر کارروائیاں ، 3 ملزمان گرفتار

عابد چوہدری : لاہورمیں ناجائز اسلحہ کی ترسیل و نمائش کیخلاف یکے بعد دیگر کارروائیاں   کی گئیں  جس پر 3 ملزمان گرفتار کرلیے گئے ۔
ترجمان ڈولفن کے مطابق اچھرہ، لیاقت آباد ہوائی فائرنگ کرنیوالے 2 ملزمان گرفتار کرلیے   جن سے 2 پستول برآمد ہوئے،ملزمان سرعام ہوائی فائرنگ کر کے خوف و ہراس پھیلا رہے تھے جبکہ ڈولفن ٹیم نے چوہنگ سے بھی ریش ڈرائیونگ و غل غپاڑہ کرنے والا ملزم گرفتار کر لیا،  جس سے اسلحہ برآمد ہوا۔
ایس پی ڈولفن شاہ میرخالد   نے بتایا ہے کہ گرفتار ملزمان کے قبضہ سے 3 پستول، گولیاں و میگزینز برآمد  ہوئی۔ملزم رضوان عرف رکھا اقدام قتل و دیگر مقدمات میں ریکارڈ یافتہ ہے۔ملزمان رضوان، بلال، احمد کو قانونی کارروائی کیلئے تھانہ اچھرہ، لیاقت آباد کے حوالے کردیا