وقاص عظیم: یوٹیلیٹی اسٹورز کارپوریشن نے چینی کی قیمت میں 13 روپے کمی کردی جس کا نوٹیفکیشن بھی جاری کر دیا گیا۔

نئے نرخ کے مطابق یوٹیلیٹی اسٹورز پر چینی کی قیمت 140 روپے فی کلو مقرر کی گئی ہے ۔ اس سے قبل چینی کی قیمت 153 روپے فی کلو تھی۔

ذرائع کے مطابق یوٹیلیٹی اسٹورز نے شوگر ملز سے خریدی گئی چینی کی قیمت کم کرنے کی درخواست کی تھی جس پر شوگر ملز مالکان نے بیچی گئی چینی پر 17 روپے فی کلو کمی کی، جس کے نتیجے میں یوٹیلیٹی اسٹورز نے چینی کی قیمت میں کمی کی۔

یاد رہے کہ کارپوریشن نے 12 ہزار میٹرک ٹن چینی خریدی تھی اور یہ چینی 137 روپے فی کلو کے حساب سے خریدی گئی تھی۔ اخراجات ملا کر کارپوریشن کو چینی تقریباً 152 روپے فی کلو کی قیمت میں پڑی تھی۔