ڈیموکریٹ خاتون امیدوار کمیلا ہیریس نے فون کال کر کے ڈونلڈ ٹرمپ کو صدر منتخب ہو جانے پر مبارک دی اور اسے کامیاب ہو چکا تسلیم کیا۔
کمیلا ہیریس کے ایک سینئر معاون نے امریکہ کی ایک ممتاز نیوز آؤٹ لیٹ کو بتایا کہ بدھ کے روز کمیلا ہیریس نے ڈونلڈ ٹرمپ کو "2024 کے صدارتی انتخابات میں کامیابی پر مبارکباد دینے کے لیے" فون کیا۔
معاون نے مزید کہا کہ کمیلا ہیرس نے پریذیڈنٹ الیکٹ(منتخب صدر )کے ساتھ فون پر گفتگو کرتے ہوئے "اقتدار کی پرامن منتقلی اور " تمام امریکیوں کے لیے صدر ہونے کی اہمیت" پر تبادلہ خیال کیا۔
ممکنہ طور پر عوام آج دوپہر تک کمیلا ہیریس سے پہلے براہ راست کچھ نہیں سنیں گے، آج وہ واشنگٹن ڈی سی کی ہاورڈ یونیورسٹی میں اپنے حامیوں اور قوم سے خطاب کرنے والی ہیں۔ توقع ہے کہ وہ جمہوری اقدار اور بدلتی ہوئی دنیا میں امریکہ کے کردار پر بات کریں گی۔
کمیلا ہیرس ایک بے مثال جمہوری رویہ کی مالک سیاستدان ہیں جنہوں نے انتخابی مہم کے دوران کمال ضبط اور تحمل کے ساتھ ہر طرح کے سوقیانہ جملوں کا مقابلہ کیا اور کبھی اپنے درجہ سے گر کر جواب نہیں دیا۔ ان کی ڈیسنٹ انتخابی مہم کو طویل عرصہ تک یاد رکھا جانے گا۔