وقاص احمد : بھاٹی گیٹ پولیس نے کارروائی کرتے ہوئے آن لائن سٹے بازی کرنے والے 4 ملزمان گرفتار کرلیے ۔
پولیس کے مطابق ملزمان نے خفیہ طور پر گھر میں آن لائن جدید سٹے بازی کا نیٹ ورک بنا رکھا تھا، ملزمان جوئے کی رکھوالی کرتے اور ہر آنے جانے والے فرد پر نظر رکھتے۔ ملزمان کرکٹ میچوں پر جواء، گھوڑوں کی ریس اور آن لائن تمام گیموں پر سٹے بازی کرواتے۔
پولیس کا کہنا ہے کہ ملزمان کے قبضہ سے داؤ پر لگی نقد رقم، 2 لیپ ٹاپ ،1 ایل سی ڈی ، 1ڈش انٹینا ،1 پرنٹر ، 6 موبائل اور ریکارڈ رجسٹر سمیت دیگر سامان برآمد ہوا۔
ایس پی سٹی کیپٹن ریٹائرڈ قاضی علی رضا کا کہنا ہے کہ گرفتار ملزمان میں ارشد، مبشر، عبدالغفار اور عبدالرحمان شامل ہیں، ملزمان کے کلاف مقدمہ درج کرلیا گیا ہے۔ قمار بازوں کے خلاف بلا امتیاز کارروائیاں کی جا رہی ہیں ۔
ایس پی سٹی نے قماری بازی کا بڑا نیٹ ورک چلانے والے ملزمان کی گرفتاری پر ایس ایچ او بھاٹی گیٹ زین عباس اور ٹیم کو شاباش دی ۔