سٹی 42: این سی او سی کی ہدایات پر شہر کی تمام جامعات کھل گئیں،پنجاب یونیورسٹی میں بھی کلاسز کا باقائدہ آغاز،اساتذہ، طلبہ کی جانب سےخوشی کااظہار،وائس چانسلر ڈاکٹر نیازاحمدکاکہنا کہ طلبہ  کا آن لائن کلاسزکےدوران ہونےوالےتعلیمی نقصان کو جلد پورا کر لیں گے۔
 تفصیلات کےمطابق  کورونا وبا کی صورتحال میں بہتری کے باعث حکومت اور این سی او سی کی ہدایات پر شہر بھر کی تمام جامعات میں تدریسی عمل شروع کر دیا گیا۔پنجاب یونیورسٹی میں بھی آن لائن کلاسز ختم کرکے فزیکل کلاسز کا آغاز کر دیا گیا ہے۔وائس چانسلر پنجاب یونیورسٹی پروفیسر ڈاکٹر نیاز احمد اختر کے مطابق پہلے سے جاری آن لائن امتحان جاری رہیں گے۔این سی او سی کی ہدایات پر تمام کلاسز اور امتحانات معمول اور شیڈول کے مطابق ہونگے۔ طلبہ کاجو تعلیمی نقصان ہوا وہ پورا کیا جائے گا، دوسری جانب اساتذہ اور طلبہ نےبھی فزیکل کلاسز کے شروع ہونےپراطمینان اورخوشی کا اظہار کیا۔ یونیورسٹی کی جانب سے طلبہ  کی سہولت کیلئےٹرانسپورٹ سروس کاآغاز بھی کر دیا گیا۔