عابد چودھری:لاہور کےعلاقےجوہر ٹاؤن میں حوا کی بیٹی تیزاب گردی کاشکار، ملزم احمد نےخاتون مریم پر تیزاب پھینک دیا۔
تفصیلات کےمطابق لاہور کےعلاقےجوہر ٹاؤن میں ملزم احمد نےخاتون مریم پر تیزاب پھینک دیا۔ پولیس کےمطابق مریم کاچہرہ تیزاب سےجھلس گیا،ہسپتال منتقل کردیا گیا، ملزم نےشادی سے انکار پر تیزاب پھینکا، سی سی پی او لاہور نےجوہر ٹاؤن میں تیزاب گردی کے واقعہ کا نوٹس لیتے ہوئےایس پی صدر سے رپورٹ طلب کر لی، جبکہ سی سی پی او لاہورکا فوری ملزم کے خلاف کارروائی کا حکم۔
تیزاب سے خاتون کا چہرہ، ہاتھ اور گردن متاثر ہوئی ، تھانہ جوہر ٹاؤن میں متاثرہ خاتون مریم کی مدعیت میں مقدمہ درج کرلیا گیا، متاثرہ خاتون کا کہنا تھا کہ ملزم احمد نے شادی سے انکارپر تیزاب پھینکا،، گھروں میں کام کرتی ہوں، میرےساتھ زیادتی ہوئی،متاثرہ خاتون کی دہائی، میرا بھائی مجھے جناح ہسپتال لایا۔
دوسری جانب گزشتہ روز غازی آباد میں فائرنگ کے واقعہ میں لڑکی قتل ہوگئی،واقعہ کی اطلاع ملتے ہی پولیس جائے وقوعہ پر پہنچی اور لاش کو پوسٹ مارٹم کے لئے ہسپتال منتقل کردیا، پولیس کا کہناتھا کہ جھگڑے میں ملزمان نے شبیرکےگھر کے دروازے پر فائرنگ کی،19 سالہ ثناءگھرمیں کپڑے دھورہی جو کہ فائر لگنے سے موقع پر ہی دم توڑ گئی۔