ویب ڈیسک :عید پر پاکستانی اسٹار فہد مصطفیٰ اور ماہرہ خان فلم ’قائداعظم زندہ باد‘ میں اپنے اداکاری کے جوہر دکھائیں گے جبکہ ہمایوں سعید ، مہوش حیات اور کبریٰ خان ’لندن نہیں جاؤں گا‘ میں اداکاری کریں گے۔
نبیل قریشی کی ہدایت کاری میں بنائی گئی فلم ’قائداعظم زندہ باد‘ پہلے 2021 میں ریلیز ہونے والی تھی لیکن کووڈ-19 کی وجہ سے تاخیر کا شکار ہوگئی۔’’لندن نہیں جاؤں گا‘‘ کو خلیل الرحمان قمر نے لکھی ہے جبکہ ندیم بیگ اس کے ڈائریکٹر ہیں۔دونوں فلمیں 8 جولائی کو پاکستان کے سینما گھروں میں ریلیز ہو رہی ہیں۔
تیسری فلم "لفنگے" جو کہ اس عید پر ریلیز ہونی تھی لیکن پاکستان کے سنٹرل بورڈ آف فلم سنسر (سی بی ایف سی) نے فلم کو ریلیز کرنے سے انکار کر دیا اور اسے پاکستان میں نمائش کے لیے نااہل قرار دے دیا۔
سی بی ایف سی کے چیئرمین ارشد منیر نے کہا، "تمام موجود ہ اراکین نے متفقہ طور پر فیصلہ کیا کہ یہ فلم پاکستانی سینما گھروں میں نمائش کے قابل نہیں ہے، فلم میں انتہائی بے ہودہ زبان اور دوہرے معنی کے ساتھ جملے استعمال کیے گئے ہیں جو کہ انتہائی غیر مہذب ہیں۔